Collaboration  |  Événement  |  Grand public Lëtzebuerger Filmowend 2 Dokumentarfilmer vum Geneviève Mersch iwwer d'Nowéien vum 2. Weltkrich

(Ce texte n'existe pas en français.)

D'Frënn vum Resistenzmusée lueden an op e Filmowend am Musée:

Mam Yves Steichen (CNA) an a Präsenz vun der Realisatrice Geneviève Mersch geheie mer e Bléck op 2 vun hiren Dokumentarfilmer iwwer d’Nowéie vum 2.Weltkrich.

Profitéiert vun der rärer Geleegenheet, dës 2 Filmer ze gesinn !

D'Frënn op Facebook

Sentimental Journey

1995, 43 min., LU
sous-titres français / english subtitles

Am Film vun 1995, léisst d’Geneviève Mersch souwuel fréier US-amerikanesch, ewéi och däitsch Zaldoten zu Wuert kommen, déi 50 Joer no der Ardennenoffensiv d’Dierfer am Norde vu Lëtzebuerg besiche, wou si am Wanter 1944-1945 gekämpft hunn.

Iwwer an eriwwer

1996, 35 min., LU
deutsche Untertitel

Am Film vun 1996 geet et ëm d'Awunner vun Eesbech (Eisenbach), vun deenen een Deel op der lëtzebuergescher Säit an een Deel op der däitscher Säit wunnt, a méi speziell ëm den Impakt, deen den Zweete Weltkrich op d'Liewe vun den Awunner hat.