25 September, 20 Auer : Projektioun vum Dokumentarfilm « TERRE ROUGE-Topographie du poète » iwwert d’Wierk vum Gaston Rollinger
26 & 27 September, 20 Auer : Concert
(Ce texte n'existe pas en français.)
De Gaston Rollinger huet säi ganzt Liewen am Quartier Hiel zu Esch verbruecht. An dësem Mikrokosmos um Fouss vum Kazebierg, tëscht der franséischer Grenz, der aler Brasseur Schmelz, de Weieren an de Minièren am Ellergronn sinn och seng ronn 40 Gedichter op lëtzebuergesch entstanen.
Ouni Pathos, ma net ouni Humor, schwätze si an enger direkter, billerräicher Sprooch universell Theme wéi d’Liewen, d’Aarbecht, den Doud an d’Vergänglechkeet un. D’Hiel an de Niddergang vun der Eisenindustrie bidden dozou den Décor.
De Museker a Regisseur Fränz Hausemer huet sech wärend e puer Joer intensiv mat sengem Wierk beschäftegt an eng Partie vu senge Gedichter vertount. Dorauser sinn de ganz intimistesche Musek Album « Däischter Deeg » (2024) an den Dokumentarfilm « TERRE ROUGE-Topographie du poète », deen 2025 vum Luxembourg City Film Festival selektionéiert gouf, entstanen.
Am historeschen Zentral Atelier vun der Metzeschmelz treffen d’Téin a Biller aus dësem poetesch-cinematographesche Concert op de Stol an de Stëbs aus der Héichzäit vun der Lëtzebuerger Eisenindustrie. Chanson, Jazz a filmesche Klangwelten am Dialog mam Geescht vum Stolwierk.
Mat:
Fränz Hausemer Piano, Stëmm
Greg Lamy, elektresch Gittar
Benoît Martiny, Batterie, Perkussioun
Luciano Pagliarini, Saxophon
Benoît Legot, Kontrabass
Renata Van der Vyver, Viola
Daniel Pagliarini, Akkordeon
Marco Lorenzini, Rezitatioun
Um Fouss vun de Fielsen, déi hannert den Haiser,
vu Baschten zerrass, an der Owessonn stinn,
am roude Revéier mat Brécken a Gleiser,
déi nëmmen drop waarden, zerschloen ze gin…
(“Wou ech wunnen”)
25 September, 20 Auer : Projektioun vum Dokumentarfilm « TERRE ROUGE-Topographie du poète » iwwert d’Wierk vum Gaston Rollinger
26 & 27 September, 20 Auer : Concert
Partner : Ferro Forum, Lycée de Garçons Esch, Kulturfabrik, Ville d’Esch
Mat der frëndlecher Ënnerstëtzung vun Centre national de l’audiovisuel, Centre national de littérature, Œuvre nationale de secours Grande-Duchesse Charlotte, Ministère de la Culture.
CinéStarlight | Festival
Bienvenue à la 48e édition du Festival du Film Italien de Villerupt ! Depuis sa création en 1976, ce festival unique célèbre le meilleur du cinéma italien, des grands classiques des maîtres aux nouvelles générations de réalisateurs et réalisatrices. Chaque...
Voir plusMédiathèque
Ce marché privilégie le local, les commerces de niche, les artistes et les artisans, les modes de production inclusifs, les produits respectueux de l’homme et de l’environnement et les filières écologiques. Le CNA vous attend sur le stand de la...
Voir plusAtelier
Inscription gratuite : mediatheque@cna.etat.lu Vous êtes à la recherche d'un livre et voulez savoir s'il est disponible dans votre bibliothèque et comment le réserver ? Vous avez envie de regarder des films et des séries en streaming gratuitement ou de...
Voir plus